ಮೀರಿದ ಎಣಿಕೆ

ಸೀಳ್ಬಿಟ್ಟಿದೆ ಹೃದಯ
ಬೆಸುಗೆಯೊಲುಮೆ ಎಲ್ಲಿದೆಯೊ ಕಾಣೆ.

ಮರಗಟ್ಟಿ ಹೋಗಿದೆ ಮಂಜಿನಲ್ಲಿ
ಎಲೆ ಉದುರಿನಿಂತ ಬಂಜರು ಮರ
ಎಳೆ ಬಿಸಿಲಿಗೆ ಕಾಯುತಲಿದೆ
ಶೀತಲದ ಇರುಳ ನಡುವೆ - ಹಗಲುಗನಸು!

ಜೀವವ ಚಿವುಟಿಹೋದ ವಿರಸ
ಒಲವ ವಿಪರ್ಯಾಸವಾಗುತ ಬಂದು
ತಪ್ಪೆಂಬುದ ಅರಿತಿದ್ದರೂ ಸಹ
ಹೃದಯವನ್ನ ಒಡೆಯುತ ಬಂತು.

ಚಂದಿರನ ಹಾಳೆ ತೆಗೆದು ಬಿಟ್ಟರೆ
ನಡುಕ ತರುವ ಆ ಕರಾಳ ರಾತ್ರಿ
ನೆನಪಿನ ಮಿನಿಗು ನಕ್ಷತ್ರಗಳು
ಮುಗಿಲೆಲ್ಲ ಹರಡಿವೆ, ಎಣಿಕೆ ಮೀರಿವೆ.