ನೀನಿಲ್ಲದ ದಿನಗಳಲ್ಲಿ
ನಿನ್ನ ಅನಿಸಿಕೆಗಳು ಹೀಗಿದ್ದವು;
ಶೂನ್ಯ ಸದೃಶವೀ ಗಗನ
ಮಲಗಿ ನಿದ್ರಿಸುವುದೀ ಭುವನ.
ಚಂದಿರನ ಬೆಳದಿಂಗಳ ಗರ್ಭದಲ್ಲಿ
ಇರುಳು ಕಳೆಯ ಕಳೆದು ನಿದ್ರಿಸುತಿತ್ತು,
ಹೃದಯ ಬಡಿತಗಳಿಗೆಲ್ಲವು ಇಂದು
ವಿರಹವೇ ಆಗಿ - ಅಳಹತ್ತಿತ್ತು,
ನೀನಿಲ್ಲದಂದು ದೊರಕುವುದಾದರೂ ಹೇಗೆ
ಪ್ರೀತಿ, ಪೂಜೆ ಹಾಗು ಸಂತಸವು?
ನೊಂದ ಈ ನನ್ನ ಕಣ್ಣು
ನಿನ್ನ ನೆನಸಿನಲ್ಲಿ ಬತ್ತಿ ಹೋಗಿತ್ತು,
ಗಾಳಿಯ ಪ್ರತಿ ಮಿಳಿತದಲ್ಲೂ ಸಹ
ಕಂಬನಿಯು ನಿನ್ನ ನೆನಪಿನಲ್ಲಿ ಈಜುತಿತ್ತು,
ನೀನಿಲ್ಲದೆ ನಗುವುದಾದರು ಹೇಗೆ
ಕನಸ ಕುಸುಮದಲ್ಲಿರುವ ಈ ಕಣ್ಣು?
ನೀನಿಲ್ಲದ ದಿನಗಳಲ್ಲಿ
ನನ್ನ ನಂಬಿಕೆಗಳೆಲ್ಲವು ಮುಗಿದಿದ್ದವು;
ಶೂನ್ಯ ಸದೃಶವಾಗಿತ್ತು ಮನಸು
ಹೃದಯಕ್ಕೆ ಅಳುವುದೇ ಸೊಗಸು!
(ಹಿಂದಿ ಕವವೊಂದರಿಂದ ಪ್ರೇರಿತವಾದದ್ದು)
No comments:
Post a Comment