ಕಲ್ಲಿನಲಿ ಕೆತ್ತಿದ ಪ್ರೀತಿ

ನಾನು - ನೀನು ಇರಬಹುದೇನೋ ನೂರು ವರುಷ
ಅಥವ ಅದರ ಅರ್ಧ ಬದುಕಬಹುದು,
ಆದರೆ ನನ್ನ ಮನಸ್ಸಿನಲ್ಲಿ ನಿನ್ನ ಬಗ್ಗೆ ಇರುವ ಪ್ರೀತಿ
ಕಲ್ಲಿನಲಿ ಕೆತ್ತಿದಂತ ಪ್ರೀತಿ.
ವರುಷ ಸವೆದರೂ ಸವೆಯಲಾರದ -
ನಿನ್ನ ಬಳಿ ಕೆತ್ತಿದ್ದೇನೆ ಪ್ರೀತಿ ನನ್ನದನ್ನ.
ನಾ ಚಿಕ್ಕವನಿದ್ದಾಗ ಎಲ್ಲೋ ಒಂದು ಕಲ್ಲಿನ ಮೇಲೆ
ಇದೇ ಬಗೆಗಿನ ಎರಡು ಹೆಸರ ನೋಡಿದ್ದೆ.
ಕಲ್ಲು ಹೇಳಿದ ಕಥೆ! ನೋವಿಲ್ಲ - ನಲಿವಿಲ್ಲ
ಆದರೂ ಕೂಡ ಕೇಳಿದ ಮನಸ್ಸಿನಲ್ಲಿ ಏನೋ ಪುಳಕ - ನವಿರು,
ಅಂತಹ ಅಮರ ಪ್ರೀತಿಯ ನಾ ಕಲ್ಲಿನಲ್ಲಿ ಕೆತ್ತಿದ್ದೇನೆ.
ಬಿರುಸು ಗಾಳಿಯಾದರೇನು, ವರ್ಷೋದ್ಗಾರವಾದರೇನು
ಗುಡುಗು, ಮಿಂಚು, ಸಿಡಿಲುಗಳೆಲ್ಲವೂ ತುಚ್ಛ
ಗಟ್ಟಿಯಾದ ನಮ್ಮ ಪ್ರೀತಿಯ ಎದುರು.
ಪ್ರಪಂಚ ಬಡಿದು, ಕುಣಿದು, ಹುಚ್ಚಾಗಲಿ
ಕಲ್ಲಿನೊಳಗಿನ ನಮ್ಮ ಹೃದಯ, ಪ್ರೀತಿಯ ಚಿಪ್ಪಿನೊಳಗೆ
ಮಧುರ ಬಾಂಧವ್ಯವ ಸದಾ ಅನಿಭವಿಸಲೆಂದು
ಕಲ್ಲಿನಲಿ ಕೆತ್ತಿದ್ದೇನೆ ನಮ್ಮ ಪ್ರೀತಿಯನ್ನ!