ಯಾಚನೆ

ಎಲ್ಲಿ ಹುಡುಕಿದರೂ ಕಾಣದೆ

ಉಳಿದ ಹೃದಯ

ನನ್ನ ನೆರಳಾಗಿ ಸದಾಗಲು ನಲಿವ

ಉಲಿದಿಹ ಉಳಿವಾಗಿದೆ,

ಬಲ್ಲೆನ್ನೆಂಬ ಅಹಮ್ಮಿಗೆ ಬೆಂಬಲದಿ

ಉಳಿದ ಪದಗಳ ಬಳಿದು

ಕವಿತೆಯೆಂಬ ಮುಸುಕ ಹೊದಿಸಿ

ಕವಿಯೆಂಬ ಹೆಮ್ಮೆಯ ಬೆಳೆದು -

ಉಳಿದ ಹನಿ ಪ್ರೀತಿಯ ಸೇವಿಸೆ

ಎಲ್ಲ ಕಳೆದನೆಂಬ ನಿಜ -

ಉದಿಸಿ, ದುಃಖ ಬೆಳೆದಿದೆ

ನಾನಾರಿಗೆಂಬ ಶಂಕೆ ಉಳಿದಿದೆ;

ಕ್ಷಮಿಸು ಹೃದಯ ನನ್ನ -

ನಿನ್ನ ತೂರಿ ಒಗೆದಿದ್ದಕ್ಕೆ

ನಾನೆಂಬ ಊಹೆಯ ಕಟ್ಟಿದ್ದಕ್ಕೆ

ಅರ್ಥವಿಲ್ಲದ ಪದಗಳ ಹೊಸೆದಿದ್ದಕ್ಕೆ.