ಮೌನ ಮಸಣ

ಮುಂದೆ ನೋಡಿರೆ ಬರಡು

ಹಿಂದೆ ನೋಡಿರೆ ಬರಡು

ಎತ್ತಲೂ ಮಸಣ ಮೌನ;

ತೊಟ ತೊಟನೆ ಸೋರಿರುವ

ಮಳೆಯ ಹನಿಹನಿಗೆ

ಭುವಿಯ ತೇಕುವ ಎದೆಯ

ಅನಾವರಣ.

ಎಲೆಯಿರುವ ಮರಗಳಿಗೆ

ಹಕ್ಕಿಗಳ ಹಾತೊರಿಕೆ

ಹಸಿರ ಹುಲ್ಲಿನ ಬಣ್ಣ

ಹಚ್ಚ ಹಳದಿ;

ತೊಗಲ ಬಿಟ್ಟಿರುವ ಮರ ಮೂಲಿಕೆಗಳೆಲ್ಲ

ಹೊರಟು ವಾಯು ಸೇವನೆಗೆ

ಭಕ್ತಿ - ಭಯದಿ.

ನೆತ್ತಿ ಮೋಡಗಳನೆಲ್ಲ

ಒತ್ತಿ ತೂರುವ ಗಾಳಿ

ಪರಿವೇಷ ಮುಟ್ಟಿರಲು

ಹಿಮದ ಬಣ್ಣ;

ನಮ್ಮನೇ ನಂಬಿರುವ

ಅಡಿಯ ಬಿಡದಿಗಳೆಲ್ಲ - ಈ ಶವಸಂಸ್ಕಾರದೊಳು

ಮೌನ ಮಸಣ.