ಎದೆಯಾಂತರಾಳದ ಯಾವುದೋ
ನಿನ್ನೆಗಳ ಮೊರೆತಕ್ಕೆ
ದಿನಗಳೇ ಮೊಳಗದ ಪಯಣದಲಿ
ಬಾನಿಲ್ಲವೆ ಮಳೆಗರೆಯಲು,
ಸೂರ್ಯನಿಲ್ಲವೆ ಬೆಳಕನಿಡಲು?
ಅಕ್ಷರಸಹ ತೃಪ್ತಿಹೊಂದಿದ ಪ್ರೀತಿ
ನಯದಲಿ ಮಾಯವಾಗಿ
ಏಕದೇಕಾಂತದಲಿ ಮುಳುಗಿಸೆ ದಿಸೆಯ
ಚಿಗುರಿಲ್ಲವೆ ಅಂಕುರಿಸಲು,
ಸುಮವಿಲ್ಲವೆ ಬಣ್ಣ ಬಳಿಯಲು?
ಅಗೋಚರದಲಿ ಪುಳಕಿಸುವ ಮಮತೆ
ನಾಡಿಯೊಳ್ಹರಿದು ಗೋಪ್ಯವಾಗಿ
ಸ್ವತಂತ್ರದ ಪಾತಾಳ ಚೀತ್ಕಾರದೊಳಡಗಿರೆ
ಪರ್ವತವಿಲ್ಲವೆ ಹೊಳಲ್ಹಾಕಲು,
ಜೀವವಿಲ್ಲವೆ ದನಿಯೊಡ್ಡಲು?
No comments:
Post a Comment