ನಿಗೂಢ

ಸಮಯಕ್ಕೇನು ಗೊತ್ತು ಸಮಯದ ಕೊರತೆ
ಹೃದಯಕ್ಕೆ ತಿಳಿಯದದರ ಬಡಿತ
ಮನ ಅತ್ತಿದ್ದಕ್ಕೆ ಸಾಕ್ಷಿ ಯಾರೂ ಇಲ್ಲ
ಪ್ರೀತಿಸಿದ್ದಕ್ಕೆ ಬರದೇ ಉಳಿಯಿತು ಮಿಡಿತ.

ಆತಂತಕ್ಕೇನೂ ಇಲ್ಲದೆ ಬೆಳೆದು ಬಂದ ಬಾಳಲ್ಲಿ
ಎಲ್ಲವೂ ಹಸನು - ರೀತಿ, ನೀತಿ
ಕುಹಕವೂ ನಗುವೇ ಎಂಬ ನಂಬಿಕೆಯಲ್ಲಿ
ಇದ್ದರೂ ಮರೆತಿತ್ತು ತನ್ನ - ಮತಿ.

ತಿಳುವಳಿಕೆಯಿಂದಾಚೆ ಉಳಿದ ಅವಲೋಕ
ಸಗ್ಗವನ್ನು ಹಿಡಿಯಲಿ ಬಚ್ಚಿಟ್ಟು
ಬಾಳಬೇಕೆಂಬ ಅನಿಸಿಕೆಯಲೇ ಉಸಿರಾಡುತ್ತಾ
ನಂಬಿ ಕುಳಿತ ಪ್ರೀತಿ ತಾನು, ಭಯದಲ್ಲಿತ್ತು.

ಎಟುಕಿದೊಡನೆಯೇ ಕಸವಾದುದಕ್ಕೆ ಹೀಗೆ
ತಿಳಿಯದಿದ್ದರೇನು, ಅನುಭವಕ್ಕೆ
ಎಲ್ಲವೂ ಹೀಗೇ - ಎಂದು ಹೇಳಲಾಗಿಬಿಟ್ಟರೆ
ಜಗತ್ತಿಗೆಲ್ಲಿ ಬೆಲೆ, ಅದರ ನಿಗೂಢಕ್ಕೆ!