ಮಾಡು

ಕೆರೆಯ ಬದಿಯ ಏರಿ ಮ್ಯಾಗೆ
ಇಂದು ಕಿರಣದ ತಂಪು ಹಾಸಲಿ
ಕುಳಿತು, ಅಡಿಯ ಚೆಲುವ ಜಾಡನು
ನೋಡುತಿರಲು ನಾನು -
ಕೆರೆಯ ನೀರಿನ ನೀಲಿ ತಾವರೆ
ಬಿರಿದು, ದುಂಭಿಯ ಮಡಿಲಿಗ್ಹಾಕಿ
ಹಾಲನೈಯ್ಯುವ ಮಾಯಿಯಂತೆ
ಮಧುರ ಸ್ಪರ್ಶವ ನೀಡುತಿಹುದು.
ಬಾನಿನ್ಹರವಿನ ಮೋಡವದುವೆ
ವಿವಿಧ ವಿಧ ವಿಧ ಬಂಧ ರಚಿಸಿ
ಮೂಡು ಕಲ್ಪನೆ ಮಾಡುಗಳಿಗೆ
ಮೆಟ್ಟಿಲ್ಹಾದಿಯ ಸೃಷ್ಟಿಸಿಹುದು.
ಬದಿಯ ಹಸುರಿನ ಹುಲ್ಲ ಹಾಸಲಿ
ಎನ್ನ ಪ್ರೇಯಸಿ ಕುಳಿತು ದೃಷ್ಟಿಸಿ
ಚಂದ್ರನೊಳಗಿನ ಮೊಲದ ಬಿಂಬವ
ಕಣ್ಣಿನೊಳಗೆಯೇ ಮೂಡಿಸಿ
ಎನ್ನ ಕಲ್ಪನೆ ಮಾಡುಗಳಿಗೆ
ಮಾದಕತೆಯಾ ಮೆಟ್ಟಿಲನ್ನು
ಮೂಡಿಸಿಹಳು.
ಚಂದ್ರ ಕಿರಣದ ರಾಮ ಬಾಣವು
ಮನದ ಅಂಚಲಿ ಕಾಮ ಮೂಡಿಸಿ
ಬದಿಯ ಪ್ರೇಯಸಿ ಕಾಮ ಕನಸವು
ಎನ್ನ ಕಲ್ಪನೆ ಮಾಡುಗಳಿಗೆ
ಶಯ್ಯೆ ಚೆಲುವನೆ ಧರಿಸುತಿಹುದು.
ದುಂಭಿ ನಾನ್, ಅವಳ್ ನೀಲಿ ತಾವರೆ
ಅಡಿಯ ನೀರ ಅಲೆಗಳದುವೆ
ಮೃದು ಸ್ಪರ್ಶದಾ ಮಧುವ ಹಾಸಿಗೆ
ಬದಿಯ ತಾವರೆ ಗಂಧ ಪಸರಿಕೆ
ಮೇಲೆ ಕಾಣುವ ಚಂದ್ರನವನು
ಎನ್ನ ಅನಿಸಿಕೆ ಮಾಡುಗಳಿಗೆ
ಮಧುಚಂದ್ರದಾ ಮನಸ ಕನಸ
ನನಸು ಮೂಡಿಸುತಿರುವುದು.