ನಿನ್ನ ಜೀವನದ ತೆಳುಪರದೆಯಿಂದಾಚೆ
ಹೊರನಿಂತು ಒಳಬರಲಾಗದೆ ತೆವಳಿದ
ಆ ಸುತ್ತು ಘಂಟೆಯ ಆಟದೊಳು
ತಿರುಗಿ ಬರುವುದೆಂಬ ಊಹೆಯ ಹೊದ್ದ
ಈ ಕಿರು ಮನಸಿನ ಒಸರಿಗೆ ಬಂದ
ಪರದೆಯ ಪದರ ಕೆಳಗಿಳಿಯುವುದೆಂಬ
ನಿಜದ ಬಯಲಿನರಿವಾಗಿರೆ
ತಿರುಗುತಿರೆ ಘಂಟೆ ಬೆಳೆಯುತಿರೆ ಶಂಕೆ
ಪದರಗಳ ಎಣಿಕೆ ಮೀರಿ ಹೋಗುತಿರೆ
ಸಿಗದಿರುವಂತಾಗಿದೆ ಊಹೆಯ ಪರದೆ
ಪದರದೊಳಡಗಿದ ನಿಜ ನಿನ್ನ ಬಯಲಿನಂಗಳದಿ
ನನಗಿಲ್ಲ ಸ್ಥಾನ ಅಲ್ಲಿ, ನಿನ್ನ -
ಪದರವೆ ಬೇರೆ, ನನ್ನ ಪರದೆಯೇ ಬೇರೆ.
No comments:
Post a Comment